Elevane ved Nordahl Grieg vgs har òg i år gjort det svært bra i Fylkesmeisterskapet i Ungt Entreprenørskap.
Kåringane av beste ungdomsbedrifter vart haldne på Amalie Skram torsdag 19. mars. I den gjevaste konkurransen «Beste ungdomsbedrift» vann Min Pant framfor Din Mening på andreplass.
Elevane på skulen kunne òg feire siger i Samfunnsbyggjarprisen (Din Mening), Beste Videopitch (Os og Fana Reinhald) og Innovasjonsprisen (Første Gir), samt glede seg over ytterlegare to andreplassar og to tredjeplassar. Bedriftene Min Pant og Din Mening sikra seg òg gullbillett og kvalifisering til Noregsmeisterskapet i Lillestrøm seinare i vår.
Mange gratulasjonar til ungdomsbedriftene våre!